විදේශීය කිරි පිටි ගොවියන්ගේ මඩිය හිස් කරමු! දේශීය කිරි ගොවියන්ගේ අත මිට සරු කරමු!!

විදේශීය කිරි පිටි ගොවියන්ගේ මඩිය හිස් කරමු!
දේශීය කිරි  ගොවියන්ගේ අත මිට සරු කරමු!!
පසු ගිය දිනෙක අප ජීවත් වන අර්ධ නාගරීක ප්‍රදේශයේ ‘හන්දියේ’ කඩ සාප්පු වලට මා ගියේ සම්පූර්න යොදය සහිත කිරි පිටි පිළිබඳව සමීක්ෂණයක් පැවැත්වීම සඳහාය.ලංකාවේ ජනප්‍රිය, විදේශයන්ගෙන ගෙන් වනු ලබන සම්පූර්න යොදය සහිත කිරි පිටි සෑම කඩ සාප්පුවකම ගොඩ ගසා තිබෙනු දක්නට ලැබින.එහෙත් මෙරට නිපදවන ‘හයිලන්ඩ්’ සම්පූර්න යොදය සහිත කිරි පිටි එකම කඩ සාප්පුවකවත් අලෙවියට තබා නොතිබින.
මෙරට TV චැනල මඟින් කෙරෙන දැවැන්ත ප්‍රචාරයට අප මුලාවී ඇති තරම!
මෑතකදී වෙළඳ පොලේ මිළ වැඩි කිරීමෙන් පසුව වුවද මෙම තත්ත්වයේ වෙනසක් නොපෙනේ.
හයිලන්ඩ් කිරි පිටි දිය කරන විට කැටි ගැසෙන බවට ප්‍රචාරය කර ඇත්තේ යක්ෂයා විසින් විය යුතුය.එය අසත්‍යයක් බව මම ප්‍රායෝගිකවම දනිමි.
වසර ගණනාවක් විදේශීය කිරි පිටි පානය කිරීමට හුරු පුරුදුවී සිටි අප දැන් හයිලන්ඩ් පානය කරන්නෙමු.
රූපවාහිනී චැනලවල දැන්වීම් ප්‍රචාරය සඳහා  මිලියන ගණන් වැය කරමින් බහු ජාතික සමාඟම් විසින් කොපමන අසත්‍ය ප්‍රචාර කලත් ‘හයිලන්ඩ්’ පිටි කිරි හොඳ රසයකින් යුතු බව කිව යුතුය.
අප බහු ජාතික වෙලඳ ප්‍රචාර වලට කොපමන අසුවී සිටිනවාද යන්න එක සරල නිදසුනක් පහත දක්වමි.
මා කලකට පෙර කිසියම් කාර්යයක් සඳහා කොළඹ ගොස් ආපසු කොටුව බස් නැවතුමට පැමිනෙමින් සිටියදී එක්තරා බහු ජාතික සමාඟමක් විසින් එක්තරා …… ‘රසැති’    (පානයක්)   -දියර වශයෙන් නොවේ- ( මෙය තේ වතුර හා කලවම් කර හෝ නොමැතිව හෝ පානය කල හැක. ) අඩංගු පැකට්ටු නොමිලයේ බෙදා දෙනු ලැබීය.එයින් එකක් ලබා ගත් මා එදින සිට අධි සීනි රසයකින් යුතු මෙම ……….පානය උදේ හවස පානය කිරීමට පුරුදු වීමි.
පසුව මගේ මිතුරෙකු විසින් මෙම …. රසැති …. ලංකාවට ආනයනය කරන ආකාරය ගැන මා දැනුවත් කලේය.ඒවා ආනයනය කරනු ලබන්නේ පාන් ගෙඩි මෙන් හතරැස් මේධ කැට වශයෙනි!!
තව කලක් මම මේ …. රසැති .… පානය කලේ නම් දිය වැඩියා  හෙවත් බ්ලඩ් ග්ලූකෝස් රෝගයට ගොදුරුවනවා නොඅනුමානය.
හුදෙක් දැවැන්ත දැන්වීම් ප්‍රචාරය කිරීම නිසා තමන්ට  ලැබෙන මිලියන ගනන් මුදල් ගැන පමනක් නොව අපේ අහිංසක දේශීය කිරි ගොවියන් හා ඔවුන්ගේ දූ දරුවන්ගේ හෙට දවස ගැනත් ජනතාවගේ සෞඛ්‍ය ගැනත් කල්පනා කරන ලෙස මම මෙරට TV  චැනල පාලනාධිකාරි වලින් ආයචනා කරමි.

About these ads